WITO WATOLEWA KWA WALIMU KUTEKELEZA WAJIBU WAO

Imewekwa: September 11th, 2021

Kata ya Ngarenanyuki,

Mkurugenzi Mtendaji wa Halmashauri ya Wilaya  ya Meru Mwl.Zainabu Makwinya ametoa wito kwa Walimu Kutekeleza wajibu wao Ili uboreshaji wa miundombinu ya elimu iwe na tija katika ujifunzaji na ufundishaji.

Mwl.Makwinya ametoa wito huo alipotembelea Shule ya Sekondari ya Momela kukagua vyumba 4 vya Madarasa ambavyo vimejengwa kwa michango ya Wananchi, wahisani na Halmashauri ilichangia mbao na bati, Mradi  wa  vyumba 2 vya Madarasa ya  EP4R pamoja na ujenzi wa chumba kimoja Cha darasa kwa nguvu za kikundi Cha kimila.

Mwl.Makwinya amesema  ni muhimu kwa Walimu kuitendea haki michango ya Serikali na Nguvu za  Wananchi kwa kuwajibika kwa weledi ili mtoto wa kitanzania aweze kupata Elimu itakayo mnufaisha.

Diwani wa Kata ya Ngarenanyuki Mhe.Aminiel Mungure ameishukuru Halmashauri kwa kutoa bati na mbao na kuomba kukamilisha nyumba ya mwalimu.

Vilevile .Mhe.Mungure amewapongeza Walimu kwani kwa sasa Shule hiyo inafanya vizuri kitaaluma.

Aidha, Kata ya Ngarenanyuki  ni Miongoni mwa Kata saba ambazo  Mkurugenzi Zainabu amefanya ziara ya kukagua  na  kutembelea utekelezaji wa  miradi ya EP4R ,Miradi ya Nguvu za wananchi na michango ya wahisani,miradi ya TASAF pamoja na maboma ya muda mrefu ,ambapo aliambatana na Afisa Elimu Sekondari  pamoja na Waandisi wa Ujenzi toka  Halmashauri.

Mkurugenzi Mtendaji wa Halmashauri ya Wilaya  ya Meru Mwl.Zainabu Makwinya akiwasili Shule ya Sekondari Momela Kata ya Ngarenanyiki.

Picha ya Mkurugenzi Mtendaji wa Halmashauri ya Wilaya ya Meru Mwl.Zainabu Makwinya (wa tatu kutoka kushoto) na Diwani wa Kata ya Ngarenanyuki .Aminiel Mungure pamoja (kulia), viongozi,Walimu na Wanachi wakati wa ukaguzi wa vyumba 4 vya Madarasa 

Ujenzi wa vyumba Viwili (2)vya Madarasa ya EP4R katika Shule ya Sekondari Momela

Maabara katika Shule ya Sekondari Momela