WITO WATOLEWA KWA WAZAZI KUTENGA MUDA WA KUWASIKILIZA WATOTO

Imewekwa: September 10th, 2022

Mkuu wa Idara ya Elimu ya awali na Msingi Katika Halmashuri ya Wilaya ya Meru Mwl.Marcus Nazi, amewataka wazazi na walezi  kuwa na Muda wa kuwasikiliza Watoto wao nyumbani ili kuwasaidia katatua maswala ya  Elimu na pia kujua maendeleo yao ya kila siku.

Mwl.Nazi  ametoa  wito huo katika Mahafali ya Darasa la Saba katika Shule ya Msingi  ST. Fransis ambapo ameeleza kuwa wazazi wanapaswa kuwasikiliza  Watoto  na kuwalea kimaadili na kielimu, kwani baadhi ya  wazazi wemekuwa wakiwaacha Watoto wao mikononi mwa wafanyakazi wa Nyumbani na Kukosa muda.

Vilevile Mwl. Nazi ametoa wito kwa Wakuu wa Shule na Walimu kufuata taratibu za mitiani kwa kuwaacha wanafunzi kufanya mitihani  bila kuwa na udanganyifu wa aina yoyote ambapo amesema  Mwaka huu jumla ya Shule zitakazofanya mitihani ya Darasa la Saba ni 159, Shule za serikali zikiwa ni 113 na Shule 46 ni Shule za Binafsi

Kwa Upande wake Mwakilishi wa Mkuu wa Jeshi la Polisi wilayani Arumeru SSP Mohamed Makusi  Amewataka wazazi kuwaepusha watoto wao kujiunga na Makundi mabaya haswa Makundi ya wavuta Bangi, vijiwe vya wavuta Sigara kwani vikundi hivyo vinaweza kusababisha athari ya Watoto kutoweza kuendelea na Elimu yao ya Sekondari.