ZAIDI YA WAKULIMA 500 WANAVYONUFAIKA NA UPATIKANAJI WA TAARIFA ZA HALI YA HEWA NA TAHADHARI

Imewekwa: November 27th, 2017

Katika Bara la Afrika  Mradi wa Kuimarisha upatikanaji wa taarifa za hali ya hewa umefanyika katika Nchi mbili pekee ambazo Ethiopia na Tanzania ,kwa upande wa Nchi ya Tanzania umetekelezwa katika Halmashauri ya Wilaya ya Meru mkoani Arusha na Liwale mkoani Lindi .

Wananchi wa Kata ya Mbuguni  kwenye Halmashauri ya Meru wameipongeza Serikali ya awamu ya Tano kwa utekelezaji wa mradi huo mkubwa Halmashauri yao ambao umewajengea uwezo wananchi zaidi ya 500 wanao pata taarifa za hali ya hewa kupitia simu zao za kiganjani  kuchukua tahadhari  siku kumi kabla hivyo kukabiliana na mabadiliko ya tabia ya Nchi  kwa urahisi pia wamefafanua kutumia taarifa hizo  kuepuka baa la njaa kwa kupanda mazao ya muda mfupi  na   mafuriko na madhara yake kupungua kutokana na taadhari walizochukua.

akizungumza kwenye mkutano wa Hadhara  ya wananchi hao alipo kua kwenye ziara ya kukagua utekelezaji wa mradi huu wa  wa Kuimarisha upatikanaji wa taarifa za hali ya hewa  Wilayani Arumeru Tarehe 21 Novemba 2017 Mhe.Jenista Mhagama  Waziri wa Nchi Ofisi ya Waziri mkuu (Sera,Bunge, Kazi,Vijana,Ajira na watu wenye ulemavu ) amesema “nimefarijika kwa mradi huu kua mkombozi wa wananchi wa meru “ akifafanua “mradi huu umetokana na Mahusiano mazuri yaliyopo na kati ya Serikali na mfuko wa Dunia wa kuifadhi mazingira “